KLUMME SJTRAOLT!

Proklemasie Jeugdprins Steve I en Jeugdprinses Ivy

Ich jeugprins STEVE der iërsjte, Graef van de Overhiëk, jonkhiër van de buurtvereniging Teageneuver de Mëule, baron van Bourgondië, en edele besjermhiër van miene hond:
geuf uch te versjtaon en liët uch weite:

Punt 11:
Ivy en Ich zitte allebei al get jäörkes in der Jeugd Raod van Ellef, dus viër weite wie viër karnaval motte viëre.

Punt 10:
Es der mich mit de karnavalsdaag doot misse; dan bin ich miene hond oetlaote.

Punt 9:
Viër laupe dit jubileumjaor sjnuffel stage bie de Molmuus zoedat viër mit ut jubileum van 7×11, uch kinne laote ziën wie ut ech mot.

Punt 8:
Mit goewe mood dunt viër wir mit aen ut klumpkeswerpe in Sumpelveld, Ivy zal os mit haere volleybal smash, aen de meiste punten helpe.

Punt 7:
Ich woën tegeneuver de Mëule, mer eine schlaeg van de mëule hub ich gelökkig noch neet gehat.

Punt 6:
Meister John van groep 7 löpt mit in der kingeroptoch, deit hêe dit neet, dan löp hêe verplich veurop, mit de einzelgänger optoch in maart.

Punt 5:
Es aensjtörmend zingend leedjes schjriever zal ich, mit ut volgend jubileum van de Jeugdkarnaval, der schlager schjrieve en saame mit Ivy, op her Saxofoon, ten gehëure bringe. Geluif mer dat viër gunt knalle.

Punt 4:
Wat zou ut schjoën ziën as ut jeugdorkest van de harmonie de Berggalm, dit jaor, veurop in de ballonoptocht zou loape.

Punt 3:
Sean, Isa en Scott versêere dit jaor ein bolderkerker en trikke mit in der balonnenoptoch op diënsdigmiddig.

Punt 2:
Miene hobby is sjwumme, mit de drie dol daag duik ich der nog ins good in.

Punt 1:
Geluif mer, vanaaf huj tot eschwoensdig zulle Ivy en Ich,  KLUMME LAOTE SJTRAOLE.

Aldus gegêeve in de residentie van de Molmuus, op zondig 12 januwari 2020 in ut bieziën van  mien prinses Ivy en miene wieze Raod va Ellef:

ICH PRINS STEVE DER IËRSJTE

Moage viër hie op oetbringe, ein drie maol kreftig:

KLUMME……………ALAAF, KLUMME……………ALAAF, KLUMME……………ALAAF.